لاہور۔28 جنوری(اے پی پی ) وفاقی و زیر خزانہ،ریونیو اینڈ اکنامک افئیرز اسد عمر آکھیے جو کاٹیج انڈسٹریل اسٹیٹ دا آئیڈیابہوں چنگا اے، فنانس بل اچ تریمتیں کیتے وی مراعات موجود ہین، بجلی دے پرانڑے نظام کوںڈی ریگولیٹ کرتے نویں قوانین بنڑاونڑے ہوسن، کاٹن پاکستان دی معیشت دی ریڑھ دی ہڈی اے،سارے فریقاں کوں اعتماد اچ گھن تے حکمت عملی بنڑائی ویسی،کنڑک کوں ویلیو ایڈڈ آئٹمزبنڑا تے ایکسپورٹ کیتا ویسی، سپیشل اکنامک زونز(اےس ای زی) کوں ودھ فعال کر تے ترجیح ڈتی ویسی،ٹیکس آڈٹ نظام کوں چنگا کیسوں، سوکھے ٹیکس ریٹرن اتے سادہ ٹیکس دا نظام متعارف کرایا ویسی۔اے گالھ انہاں فےڈرےشن آف پاکستان چےمبرز آف کامرس اےنڈ انڈسٹری(اےف پی سی سی آئی) دے ریجنل آفس اچ اےف پی سی سی آئی دے صدر انجینئردارو خان اچکزئی اتے ریجنل چیئرمین عبدالرو ¿ف مختار دی زیر صدرات پنجاب دی کاروباری برادری نال الویندے آکھیا۔تقریب اچ وزیر مملکت برائے ریونیو حماد اظہر اتے اےف بی آردے چیئرمین محمد جہانز یب خان وی شرکت کیتی۔ وفاقی وزےرآکھیا جو فنانس بل کاروباری تریمتیں سودھا 51فیصد آبادی کوں سہولت ڈیونڑکیتے ڈتا گئے،ٹاپ ٹیکس پیئرد ی حوصلہ افزائی کیتے ایف بی آرہک ایونٹ کرویسی۔اےف پی سی سی آئی دے صدر انجینئردارو خان اچکزئی صنعتاں دے مسائل اتے ایندے حل کیتے وفاقی وزیر کوں تجویزاں وی ڈتیاں۔سارک چیمبر دے سینئر نائب صدر افتخار علی ملک،اےف پی سی سی آئی دے نائب صدر حاجی افتخار احمد ،سا بق صدر میاں ادریس،سابق سینئر نائب صدر عامر عطاءباجوہ،چوہدری محمد شفیق،میاں رحمان عزیز ،پنجاب دے ٹریڈ چیمبرز دے صدور اتے ٹریڈ ایسوسی ایشنز دے چیئرمیناں وہی اپنڑے اپنڑے سیکٹر دے مسائل ڈسائے اتے حل کیتے تجویزاں ڈتیاں۔
