کشمیریاں دی نسل کشی مہم اچ 13توں 25سال دے نینگراں کوں نشانہ بنڑایا ویندا پئے ،،وفاقی وزیر برائے امورکشمیر و گلگت بلتستان علی امین خان گنڈا پور

اسلام آباد ۔ 05جنوری(اے پی پی)وفاقی وزیر برائے ا ±مورکشمیر و گلگت بلتستان علی امین خان گنڈا پور آکھیا جو اقوام متحدہ 70سال پہلے کشمیریاں دے حق خود ارادیت کوں منیا جڈانجو او ہنر تئیں ایں قرارداد تے عمل کراونڑ اچ ناکام رہی اے،بھارت انسانی حقوق دی پامالی تے سفاکی دی نویں مثالاں بنڑاونڑ اچ مصروف اے،کشمیریاں دی نسل کشی مہم اچ 13توں 25سال دے نینگراں کوں نشانہ بنڑایا ویندا پئے اتے گزریل سال سینکڑاں کشمیری نینگراں کوں شہید کر ڈتا گئے ،مقبوضہ کشمیر اچ بھارتی ریاستی دہشت گردی پوری دنیا تے بے نقاب تھیندی پی اے۔انہاں زور ڈے کراہیں آکھیا جو کشمیر دا مسئلہ دا حل صرف بامقصد مذاکرات اتے اقوام متحدہ دی قرارداداں تے عمل نال ای ممکن اے اتے بھارت کوں کشمیریاں کوں انہاں دا حق ڈیونڑاں پمسی۔