اسلام آباد ۔ 16 جنوری (اے پی پی)ہنگو اچ سیکیورٹی فورسزکامیاب کارروائی کریندے ہوئیں چار دہشتگردمار ڈتن۔ہلاک کیتے ونجنڑ آلے دہشتگرداں دا تعلق کالعدم تنظیم ٹی ٹی پی نال ہاجیہڑے 23 نومبر 2018ءکوں ہنگواچ تھیونڑ آلے خودکش حملے اچ ملوث ہن۔پاک فوج دے شعبہ تعلقات عامہ (آئی ایس پی آر)دے مطابق آپریشن ردالفساد دے تحت سکیورٹی فورسز ہنگو اچ خفیہ اطلاعات دی بنیاد تے دہشت گرداں دی پناہ گاہ کوں نشانہ بنڑائے جیندے اچ چار دہشتگرد ماریے گین۔
