اسلام آباد ۔ 2 جنوری (اے پی پی)وفاقی وزیر آبی وسائل فیصل واوڈااعلان کریندے آکھیے جو مہمند ڈیم دا سنگ بنیاد وزیراعظم عمران خان تیرھاں جنوری کوں رکھیسن،اے منصوبہ ویلھے توں پہلے شروع تھیسی اتے پہلے ہی مکمل کیتا ویسی، پہلے وی کجھ لوکاں دی منفی ایجنڈے پاروں ڈیم نئیں بنڑ سگیے، ڈیم کیتے بولی ساڈی حکومت آونڑ توں پہلے تھیا ہا،وزیراعظم دے مشیر عبدالرزاق داﺅد پہلے ہی اپنڑیاں کمپنیاں توں استعفیٰ ڈے چکین،پروپیگنڈا نہ کیتا ونجے، کہیں ملزم کوں جوابدہ نمی، او پہلے اپنڑا حساب ڈیون، ہک ڈینہہ دے مختصر نوٹس تے پی اے سی اچ اصلوں نہ ویساں، شہباز شریف دے ڈرامے نہ چلسن۔ اسلام آباد اچ پریس کانفرنس کریندے وفاقی وزیر آبی وسائل فیصل واوڈادا آکھنڑ ہا جو ڈیسکون کمپنی کوں متنازعہ بنڑاونڑ دی کوشش کیتی ویندی پئی اے، تہوں پچھلے ستر سالاں توں ڈیم نئیں بنڑ سگیے،میں بطور وزیر یا واپڈاسودھے میڈے ماتحت ادارے وی کہیں کوں کنٹریکٹ نئیں ڈے سگدے، وزیراعظم توں علاوہ قانونی معاملات تے عدلیہ کوں جوابدہ ہاں بیا کہیں دا جوابدار نئیں، صرف کجھ لوکیں دے پروپیگنڈے تے بیک فٹ تے نہ ویساں، ڈیسکون دا شیئر 30 فیصد اتے باقی شیئر چائنہ گیس ہوبا دا اے، تکنیکی ماہرین ، نیسپاک اتے بیاں غیر ملکی کمپنیاں بولی دا جائزہ گھدے، ایں بارے وزیراعظم اتے اساں ساریاں دا کوئی ایندے اچ کردار کائنی،جانر بجھ تے معاملہ متنازعہ بنڑایا گئے۔انہاں آکھیے جو ساڈی توجہ کم تے ہے، پی اے سی دا جیہڑا کم ہے او اوہو کرے، کہیں دباو¿اچ نہ آساں اتے شہباز شریف کوں ڈرامہ نہ کرنڑ ڈتا ویسی ،جیں وی تحقیقات کراوڑن کرا گھنین۔
