ہک ہزار ریال دا نوٹ جاری نی کیتا ویندا پیا ، سعودی حکام

ریاض۔ 27 جنوری (اے پی پی)سوشل میڈیا تے ہک ہزار دے نوٹ دی تصویر وڈے پیمانے تے شیئر کیتی ویندی پی ہے اتے دعوی کیتا ویندا پئے جو سعودی عرب ہک ہزار دا نواں نوٹ جاری کریسی۔ سعودی مالیاتی اتھارٹی(ساما) وضاحتی اعلامیہ جاری کریندے ہوئیں ایجھی خبراں کوں بے بنیاد آکھیے۔ ساما آکھیے جو سوشل میڈیا تے ہک ہزار دا نوٹ شیئر کیتا ویندا پئے ایندی کوئی حقیقت کائنی ہے۔ حکومت ایجھا کوئی نوٹ جاری کرنڑ داکوئی ارادہ نی رکھیندی، بے بنیاد خبراں تے توجہ نہ ڈتی ونجے۔ صارفین کوں چاہیدے جو درست خبراں سانگے آفیشل ذرائع نال رجوع کرنڑ۔