اسلام آباد ۔ 28 جنوری (اے پی پی) وفاقی وزیر ریلوے شیخ رشید احمد آکھیا جو یکم فروری توں 28فروری تئیں اساں پاکستان ریلوے اچ کلین، گرین اتے خوش اخلاق ریلوے کمپین شروع کریندے پیوں۔ سنوار کوں اپنڑے بیان اچ انہاں آکھیا جو مہم دے دوران ریلوے گاڈیاں ،پلیٹ فارم تے سٹیشناں تے صفائی مہم شروع کریسوں جڈاں جو درخت وی لیسوں ، ریلوے دا عملہ مثالی خوش اخلاقی نال پیش آسی ، ریل مسافراں کوں بہترین سروس ڈیسی ۔انہاں آکھیا مہم دی نگرانی میں خود کریسان ، پورا مہینہ عوام کوں ریل گاڈیاں تے پلیٹ فارم تے ملساں ۔انہاں آکھیا عوام دی سہولت سانگے اساں وزارت ریلوے اچ شکایتی سیل قائم کر ڈتے ، ایندے نال اساں وزیراعظم پاکستان دے ویژن دے مطابق اپنڑی سروس کوں بہتر کریسوں، بد عنوانی دا خاتمہ کریسوں۔ وفاقی وزیر ریلوے آکھیا جو آﺅ تے کلین، گرین اتے خوش اخلاق ریلوے دا حصہ بنڑو تے بغیر ٹکٹ سفر کرنڑآلے مسافراں دی حوصلہ شکنی کرو۔
