واشنگٹن ۔ 10 فروری (اے پی پی) امریکہ اتے چین وچال اعلیٰ سطح دے ڈو ڈینھ دے تجارتی مذاکرات آندے خمیس توں شروع تھیسن۔ وائٹ ہاوس اپنڑے ہک بیان اچ آکھیے جو امریکی تجارتی نمائندے رابرٹ لائٹ ہائیزر اتے وزیر خزانہ سٹیون مذاکرات سانگے بیجنگ ویسن۔ اجلاس توں پہلے سنوار توں نائب سطحی مذاکرات وی تھیسن ۔ امریکی وفد دی قیادت نائب تجارتی نمائندے جیفری گیرش کریسن۔ پہلی مارچ تئیں مفاہمت نہ تھیونڑ تے امریکہ چین نال آئندہ درآمدات تے محصولات اچ ودھارا کریسی۔
