اسلام آباد ۔ 10 فروری (اے پی پی) صدر مملکت ڈاکٹر عارف علوی نال وزیر اعلی سندھ مراد علی شاہ طویل ملاقات کیتی۔ ملاقات دوران وفاق اتے صوبہ سندھ وچال ورکنگ ریلیشن اتے تعاون کوں بیا ٹھیک بنڑاونڑ تے اتفاق کیتا گئے ۔ ایوان صدر تو ں جاری بیان مطابق صدر مملکت ڈاکٹر عارف علوی آکھیے جو وفاقی حکومت دے سندھ اچ جاری منصوبیں کوں وختی مکمل کیتا ویسی ۔ ملاقات دوران سندھ اچ پانڑیں دی فراہمی یقینی بناونڑ تے وی اتفاق تھیا اتے وفاقی حکومت دے کراچی اچ جاری منصوبیں دی پیش رفت تے وی غور کیتا گیا۔ اجلاس اچ اعادہ کیتا گئے جو کراچی اچ جاری ماس ٹرانزٹ منصوبیں کوں وختی مکمل کیتا ویسی۔ منصوبیں تے پیش رفت دا جائزہ گھنڑ سانگے صدر مملکت ڈاکٹر عارف علوی نال وزیر اعلی سندھ دی جلد دوبارہ ملاقات تھیسی۔