وزیراعظم عمران خان دے زیرصدارت وفاقی دارالحکومت اچ کثیرالمنزلہ عمارتاں دی اجازت بارے اجلاس

اسلام آباد ۔ 12 فروری (اے پی پی) وزیراعظم عمران خان سی ڈی اے کوں آندے 10 ڈینہہ اچ وفاقی دارالحکومت اچ کثیر المنزلہ عمارتاں دی اچائی بارے پالیسی دا جائزہ گھنڑ ، ڈیزائن دی منظوری کوں سوکھا اتے تیز کرنڑ کیتے لائحہ عمل بنڑاونڑ دی ہدایت کیتی اے۔ انہاںآکھیے جو اسلام آباد دی ودھدی آبادی پاروں گرین ایریاز کوں محفوظ کرنڑ، معاشی و رہائشی ضروریات پورا کرنڑ، بیرون ملک پاکستانیاں کوں خصوصاً رئیل اسٹیٹ اچ کاروبار دے مواقع ڈیونڑ کیتے ضروری اے جو قواعد و ضوابط اچ کجھ ترامیم کرتے کثیر المنزلہ عمارتاں دی تعمیراچ سہولت ڈتی ونجے۔ اے گالھ انہاں منگل کوں وفاقی دارالحکومت اچ کثیر المنزلہ عمارات دی اجازت ڈیونڑ بارے جائزہ اجلاس دی صدارت کریندے آکھی۔اجلاس اچ معاون خصوصی علی نواز اعوان، معاون خصوصی نعیم الحق، سیکرٹری ہوا بازی شاہ رخ نصرت، چیئرمین سی ڈی اے عامر احمد علی اتے بئے شریک تھین۔اجلاس اچ وفاقی دارالحکومت اچ کثیر المنزلہ عمارات دی تعمیر بارے موجودہ ضوابط و قوانین تے تفصیلی بریفنگ ڈتی گئی۔وزیراعظم اے وی ہدایت کیتی جو کچی آبادیاں دے مقامات تے کثیر المنزلہ عمارات دی تعمیر کیتے وی منصوبہ بندی کیتی ونجے۔