وزیراعظم عمران خان دے ویژن، پالیسیاں، اصلاحات ایجنڈے دے مزید ثمرات آندے ڈینہاں ظاہر تھیسن، وفاقی وزیر اطلاعات و نشریات چوہدری فواد حسین دی پیپسی کوکی سینئرنائب صدر کرسٹا پائلٹ نال گال مہاڑ

دبئی ۔ 11 فروری (اے پی پی) وفاقی وزیر اطلاعات و نشریات چوہدری فواد حسین آکھیے جو وزیراعظم عمران خان دے ویژن، پالیسیاں تے اصلاحات دے ایجنڈے دے مزید ثمرات آندے ڈینھاں اچ ظاہر تھیسن ، غیر ملکی سرمایہ کاری نال پاکستان اچ روزگار دے موقع اچ ودھارا تھیسی۔ وفاقی وزیر اطلاعات و نشریات اے گال پیپسی کودی سینئرنائب صدر کرسٹا پائلٹ نال ملاقات اچ گال مہاڑ کریندے ہوئیں آکھی ۔ ملاقات اچ وزیر اطلاعات پیپسی کو کوں پاکستان اچ سرمایہ کاری دی دعوت ڈتی ۔ ایں موقع تے کرسٹا پائلٹ آکھیا جو پاکستان اچ سرمایہ کاری کرنڑ چاہندوں ، فوڈ (سنیکس) دے شعبے اچ ہک ارب ڈالر دی سرمایہ کاری دا ارادہ رکھیندوں ، سرمایہ کاری دے تحت ملتان اچ پوٹیٹو یونٹ قائم کریسوں،خواہش اے جو وزیراعظم عمران خان یونٹ دا افتتاح کرن۔ وفاقی وزیر اطلاعات و نشریات چوہدری فواد حسین پیپسی کو ولوں پاکستان اچ سرمایہ کاری دا خیرمقدم کریندے ہوئیں آکھیا جو ملتان اچ پوٹیٹو یونٹ دے قیام نال آلو دی کاشت کرنڑآلے کساناں کوں فائدہ تھیسی ۔انہاں آکھیا برٹش ائیرویز، پیپسی کو اتے بئےاں عالمی کمپنیاں دی پاکستان اچ سرمایہ کاری دنیاد دے پاکستان تے ودھدے ہوئے اعتماد دا اثبوت اے ۔انہاں آکھیا غیر ملکی سرمایہ کاری نال پاکستان اچ روزگار دے موقع ودھ ویسن ۔