پاک بحریہ دی کثیر القومی بحری مشق امن 2019ءدے تحت بین الاقومی میری ٹائم کانفرنس توڑ پج گئی

اسلام آباد ۔ 11 فروری (اے پی پی)پاک بحریہ دی کثیر القومی بحری مشق امن 2019ءدے تحت بین الاقومی میری ٹائم کانفرنس توڑ پج گئی۔کانفرنس دے اختتامی سیشن نال خطاب اچ مہمان خصوصی وفاقی وزیر دفاع پرویز خٹک دا آکھنڑ ہا جو میری ٹائم خطرات اتے ابھردی صورتحال خطے کیتے نویں چیلنجز دی وجہ اے،حکومت میری ٹائم شعبے اتے پاک بحریہ دیاں صلاحیتاں کوں ابھارنڑ کیتے پورا ہتھ ونڈیسی۔ترجمان پاک بحریہ دے مطابق تقریب اچ چیف آف نیول اسٹاف ایڈمرل ظفر محمود عباسی وی موجود ہین، کانفرنس اچ 46 ملکاں دی فورسز دے شرکاءآئن۔وزیر دفاع پرویز خٹک آکھیا جو سی پیک حقیقی شکل اچ نہ صرف پاکستان بھل پورے خطے دی معاشی ترقی کیتے بہوں ضروری اے،پاکستان دے میری ٹائم سیکٹر دے نال نال پاکستان بحریہ دیاں صلاحیتاں کوں ودھاونڑ کتیے حکومت پورا ہتھ ونڈیسی۔ انہاں پاکستان نیوی اتے نیشنل انسٹیٹوٹ آف میری ٹائم افئیرز دے کردار دی وی تعریف کیتی۔