اسلام آباد ۔ 6 فروری (اے پی پی) وفاقی وزیر خزانہ اسد عمرآکھیا جو وفا ق اتے صوبیاں اچ مالیاتی معاملے تے اتفاق رائے نال فیصلے کیتے ویسن،قومی مالیاتی کمیشن دے اجلاس اچ غور کرنڑ سانگے مختلف معاملیاں دی فہرست بنڑا گھدی اے۔او بدھ کوں نانویں قومی مالیاتی کمیشن ( این ایف سی) دے اجلاس دے بعد میڈیانال گالھ مہاڑ کریندے پے ہن۔انہاں آکھیا جو اج دے اجلاس اچ مختلف معاملیاں تے چھی ورکنگ گروپ بنڑاونڑ دا فیصلہ کیتا گے جئیں وچوں کجھ دی سربراہی صوبے جڈانجو ہک گروپ دی سربراہی وفاق کریسی۔انہاں آکھیا جو اے فیصلہ وی کیتا گئے جو این ایف سی دا اگلا اجلاس چھی ہفتے بعد لاہور اچ تھیسی جدانجو بعد اچ کمیشن دے اجلاس ڈوجھے ڈوبیاں دے دارالحکومت اچ وی کیتے ویسن۔
