راولپنڈی ۔ 25 فروری (اے پی پی)پاک فوج دے سربراہ جنرل قمر جاوید باجوہ ایئرہیڈ کوارٹر اسلام آباد دادورہ کیتے۔پاک فوج دے شعبہ تعلقات عامہ دے ڈائریکٹر جنرل میجر جنرل آصف غفور موجب آرمی چیف جنرل قمر جاوید باجوہ داایئرہیڈکوارٹرز آونڑ تے پاک فضائیہ دے سربراہ ایئرچیف مارشل مجاہد انور خان استقبال کیتے ۔انہاں کٹھے پاک فضائیہ دے جواناں دیاں آپریشنل صلاحیتاں دیاں جائزہ گھدے اتے آپریشنل تیاریاں تے اطمینان کیتے۔ عسکری قیادت ملک کوں درپیش خطریاں ،چیلنجز نال نمٹنڑاتے ایندے تے رد عمل تے وی تبادلہ خیال کیتے۔ انہاں اے عزم دوہرائے جومسلح افواج کہیں وی خطرے نال نمٹنڑکیتے ہر ویلھے تیار ہین،جیکربھارت کہیں وی قسم دی جارحیت کرنڑ دی کوشش کیتی تاں اوکوں پاک فوج ولوںمنہ بھن جواب ڈتا ویسی۔
