اساڈا جواب وکھرا ہوسی،بھارت اساڈی جوابی کاروائی اتے سرپرائز دا انتظار کرے،پاک فوج دے ترجمان میجر جنرل آصف غفوردی میڈیا کوں بریفنگ

راولپنڈی ۔ 26 فروری (اے پی پی) پاک فوج دے ترجمان میجر جنرل آصف غفور ’ بھارتی کوڑے دعویاں کوں ہک واری ولا بے نقاب کریندیں ہوئیں نشابر کیتا جو اساڈا جواب وکھرا ہوسی،بھارت اساڈی جوابی کاروائی اتے سرپرائز دا انتظار کرے،سیاسی،عسکری،سفارتی سمیت ہر محاذ تے جواب ڈتا ویسی،کوڑت دعویاں دا جواب سچ نال ڈیسوں،بھارت کوں چیلنج اے او21 منٹ تئیں پاکستان دی فضائی حدود اچ رہ تے ڈکھاوے۔منگل کوں ڈائریکٹر جنرل آئی ایس پی آر میجر جنرل آصف غفور ’ میڈیا کوں بریفنگ ڈیندیں ہوئیں بھارت دے مختلف میڈیا چینلاں ولوں شائع کیتی ونجنڑ آلی سرخیاں کوں وی ڈکھائے جئیں اچ دعویٰ کیتا گئے جو بھارتی جہاز21منٹ تئیں آزاد کشمیر اچ رہے،ڈوجھے پاسوں آکھیا گیا جو پہلی سٹرائیک 3وج کراہیں 45منٹ توں 3وج کراہیں 53منٹ،ڈوجھی سٹرائیک 3وج تے48منٹ توں 3وج کراہیں 55منٹ اتے تریجھی سٹرائیک 3وج تے 58منٹ توں 4وج کراہیں 4منٹ تے کیتی گئی ،بھارت پاکستان کوں پہلے مختلف ڈو جہیں تے مشغول کیتا گئے جڈانجو کشمیر اچ تریجھی جاہ تے دراندازی کیتی ،اے بھارتی دعوے ہن ،اللہ دی ذات وڈی اے،بھارت اچ ہمت اے تاں آوے اتے پاکستان دی حدود اچ 21منٹ تئیں رہ کراہیں ڈکھاوے۔انہاں آکھیا جو پچھلے کجھ ڈینھ توں پاکستان اتے بھارت اچ حالات کشیدگی چلدی پی اے ،جیڑھے ڈینھ توں کشیدگی شروع تھئی جنگ دی تیاری دے طریقہ کار دے مطابق زمینی فورس ،فضائی اتے بحری فورسز اقدامات کیتن،، لائن آف کنٹرول (ایل او سی) تے اساڈی فوج تعینات اے،جڈاں وی بھارتی فوج زمینی رستے توں امدی تاں اوہو جواب ملدا جڈاں اساں منصوبہ بنڑایا ہئی ۔انہاں آکھیا جو بے وقوف دوست توں عقل مند دشمن چنگا ہوندے،اساڈی بدقسمتی اے جو اساڈا ہمسایہ بھارت دشمنی اچ وی بے وقوفی اتے کوڑدا سہارا گھندے۔انہاں آکھیا جو وزیراعظم آکھیا ہئی جو حملہ کیتا تاں جواب دا سوچیسوں کائنا جواب ڈیسوں۔ڈی جی آئی ایس پی آر آکھیا جو 14فروری دے بعد جڈاں ٹینشن ودھ تاں اساڈی فضائیہ وی معمول دے نال فضائی پٹرولنگ کریندی رہی اے،۔پاک فوج دے ترجمان آکھیا جو بھارت دی فارمیشن چار توں پنج ناٹیکل میل اندر آ ¾ی جنہاں پاکستان ائر فورس چیلنج کیتا،بھارتی طیارے ویندیں ہوئیں پے لوڈ ڈراپ کیتا،انہاں دے چار بم جبہ دی جاہ تے ڈٹھے۔انہاں آکھیا جو بھارت 350توں ودھ دہشت گرداں دی ہلاکت دا دعویٰ کیتے جڈانجو میں آکھداں جو ہک سلھ وی کائنی بھنی،اگر اتھاں کوئی عمارت ہوندی تاں 10لوک وی مردے تاں اتھاں ملبہ ہوندا،لاشاں ہوندی،خون ہوندا،پر کوڑ دے پیر کائنی ہوندے۔انہاں آکھیا جو اساں پہلے وی بھارت دے کوڑ کوں بے نقاب کیتے اتے ولا وی کریسوں اتے بھارت دے کوڑ دا جواب سچ نال ڈیسوں۔