اسلام آباد ۔ 27 فروری (اے پی پی) وزیر خارجہ شاہ محمود قریشی آکھیا جو ہندوستان دے سیاسی مقاصد سانگے جارحانہ عزائم خطے اچ امن وامان کوں بہوں خطریاں توں ڈوچار کر سگدن،اساں سفارتی سطح تے امن سانگے اپنڑی کوششاں جاری رکھیسوں۔اے گالھ انہاں بدھ کوں ا وزارتِ خارجہ اچ خصوصی مشاورتی اجلاس توں خطاب کریندیں ہوئیں آکھی۔اجلاس اچ سیکرٹری خارجہ تہمینہ جنجوعہ اتے وزارتِ خارجہ دے سینیر حکام اتے سابق سفرا شرکت کیتی۔اجلاس اچ پاک بھارت کشیدگی اتے خطے اچ امن و امان دی اجوکی صورتحال تے مشورہ کیتا گیا جڈانجو خطے اچ امن سانگے اہم ملکاں دی سیاسی قیادت نال رابطے ودھاونڑ دا فیصلہ کیتا گیا۔
