چیئرمین سینیٹ محمد صادق سنجرانی ڈپٹی چیئرمین سلیم مانڈوی والا دے گھرونج تے انہاں دی اماں دی فوتگی تے تعزیت کیتی

اسلام آباد ۔ 13 فروری (اے پی پی) چیئرمین سینیٹ محمد صادق سنجرانی بدھ کوں کراچی اچ ڈپٹی چیئرمین سینیٹ سینیٹر سلیم مانڈوی والا دے گھر ونج تے انہاں دی اماں سینڑ دی فوتگی تے تعزیت دا اظہار کیتے۔ سینٹ اچ قائد ایوان سینیٹر شبلی فراز ،سینیٹر دلاور خان، محسن عزیز، سجاد طوری، احمد خان ، جاوید عباسی وی انہاں دے کٹھے ہن۔ چیرمین سینیٹ ڈپٹی چیرمین سینیٹ دی اماں سینڑ دے انتقال تے ڈکھ اتے افسوس دا اظہار کیتے۔ سلیم مانڈوی والا اتے انہاں دے گھر آلیاں نال تعزیت کریندے ہوئیں محمد صادق سنجرانی مرحومہ دی مغفرت اتے اچے درجات سانگے دعا کیتی ۔ وفد دے بئے ارکانان وی ڈکھی خاندان نال تعزیت کیتی۔