اسلام آباد ۔ یکم فروری(اے پی پی) وزرات خارجہ اچ بلوچستان کوٹے تے 24 افسرتے 59 ملازمین خدمات سرانجام ڈیندے پن ۔ وزرات خارجہ دے ذرائع دے مطابق گریڈ 17 اتے ایندے توں اتے دے افسراں دی ریکرونمنٹ فیڈرل پبلک سروس کمیشن قواعد وضوابط کوں سامنڑے رکھ تے بلوچستان کوٹے دے تحت بھرتی کیتی اے ۔ہک سوال دے جواب اچ ڈسایا جو پوسٹاں وزرات خارجہ اچ خالی ہن ، انہاں کوں پر کرنڑ کیتے اسٹیبشملنٹ ڈویژن توں این او سی دی درخواست کرڈتی گئی اے جیویں ہی این او سی ملدے بھرتی دا عمل شروع کر ڈتا ویسی ۔ہک سوال دے جواب اچ ذرائع ڈسائے جو 24 افسرجیرھے جو بلوچستان کوٹے دے تحت وزرات خارجہ اچ خدمات سر انجام ڈیندے پن انہاں اچ گریڈ 17 اتے 22دے افسران شامل ہن جڈاں جو 59 ملازمین گریڈ ہک توں 16تئیں شامل ہن۔
