اقوام متحدہ ۔ 27 فروری (اے پی پی) اقوام متحدہ اچ پاکستان دی مستقل مندوب ڈاکٹر ملیحہ لودھی گزریل ڈینھ کئی سفارت کاراں تے اقوام متحدہ دے حکام نال تفصیلی ملاقاتاں کیتیاں تے انہاں کوں لائن آف کنٹرول (ایل او سی) دی بھارتی طیاریں دی خلاف ورزی اتے جارحیت ڈا ڈسایا ۔ اقوام متحدہ اچ پاکستان ولوں بہوں اہم پیغام وڈے واضح انداز اچ پیش کریندے ہوئیں انہاں آکھیا جو بھارت دی جارحیت دے جواب اچ پاکستان جواب ڈیسی تاں جو ایں حوالے نال وقت تے جاہ دا تعین اساں خود کریسوں ۔انہاں آکھیا ڈوہیں ملکاں دے سانجھے حالات کشیدہ تھیونڑ دے باوجود بھارت جارحیت دا مظاہرہ کیتے۔ بھارتی جارحیت دا جواب ڈیونڑ دے حوالے نال بی بی سی ریڈیو دے ہک سوال دے جواب اچ انہاں آکھیا اساں پیچھوں کائناں ہٹسوں۔ پاکستانی سفیرآکھیا 14 فروری دے پلوامہ واقعے دے بعد پاکستان دے وزیر اعظم عمرا ن خان قابل عمل شہادت تے تحقیقات دی پیش کش کیتی ہئی ایندے علاوہ وزیر اعظم مذاکرات دی وی دعوت ڈتی لیکن بھارت اقوام متحدہ دے چارٹر دی خلاف ورزی کریندے ہوئیں پاکستان تے حملہ کیتا جیرھا جو عالمی قوانین دی وی خلاف ورزی اے۔ انہاں آکھیا جو بھارت دے ایں اقدام نال بین الاقوامی امن و سلامتی کوں سنگین خطرات درپیش ہن ۔انہاں مزید آکھیا جو چیلنجز دا مقابلہ کرنڑکیتے ملکاں دا رد عمل کیا ہوسی اے انہاں تے منحصر اے۔ پاکستانی سفیر آکھیا جو پاکستان ہمیشہ امن وسلامتی دی گال کیتی اے تے مسلیں دا خاتمہ مذاکرات نال چاہندے لیکن ایں حوالے نال بھارت دا رویہ پریشان کن ات۔ انہاں جیش محمد دا کیمپ تباہ کرنڑدے حوالے نال بھارتی دعوے کوں مسترد کریندے ہوئیں آکھیا جو صورتحال خراب تھیندی پئی اے ۔ایں حوالے نال پاکستانی سفیر عالمی برادری تے زور ڈتا جو او صورت حال کوں مزید خراب تھیونڑ توں بچاونڑ کیتے اپنڑاں کردار ادا کرے۔انہاں آکھیا مقبوضہ کشمیر اچ پر تشدد واقعات دی بنیادی وجہ بھارت ولوں کشمیریاں دے حق خود ارادیت دی مسلسل نفی اے۔ انہاں آکھیا وزیر خارجہ مخدوم شاہ محمود ولوں اقوام متحدہ دے سیکرٹری جنرل کوں لکھیے گے خط کوں انہاں دے دفتر پجا ڈتا گے کیوں جو او ایں وقف سفر اچ ہن ۔ایں طرح اقوام متحدہ دی سلامتی کونسل دے صدر دے علاوہ بئے سفارتی حلقیں تئیں وی پجا ڈتا گے۔ انہاں آکھیا پاکستان دی درخواست تے ایں خط کوں سکیورٹی کونسل دی دستاویز دے طور تے تقسیم کیتا گے ۔ پاکستانی سفیر اسلامی ملکاں دی تنظیم (او آئی سی) دے سفارتکاراں نال وی ملاقات کیتی تے بھارتی اقدام دے مذمت دے حوالے نال پاکستان دا موقف انہاں تئیں پجائے ۔ وائس آف امریکا نال گال مہاڑ کریندے ہوئیں انہاں ڈسایا جو پاک بھارت کشیدگی دے حوالے نال پاکستان دے وزیر خارجہ (بدھ) کوں اقوام متحدہ دے سیکرٹری جنرل نال فون تے گال مہاڑ کریسن ۔ ملیحہ لودھی آکھیا جو ایں گال دا انتظار کریسن جو سیکرٹری جنرل کیویں قیادت دا مظاہرہ کریندے ہوئیں خطے دے امن و سلامتی کوں متاثر تھیونڑ توں بچیندن۔پاکستانی سفیر آکھیا جو پاکستان دہشت گردی دے خلاف برسر پیکار اے ۔انہاں آکھیا پاکستان خود دہشت گردی توں متاثر ملک اے ۔
