خانیوال ۔ 6 فروری (اے پی پی) وفاقی وزیر ریلوے شیخ رشید احمد آکھیے جو ماضی اچ ملک دا ڈو ارب روپیہ تباہ کرتے انگریزاں دے بنڑائے گئے تاریخی ریلوے اسٹشیناں دی شکل وگاڑ ڈتی گئی۔ وزیراعظم عمران خان دی اگوانڑی اچ خانیوال اچ ریلوے دا جال وچھا ڈیسوں۔ ےا گالھ انہاں خانیوال ریلوے سٹیشن تے میڈ یانال الویندے کیتی۔ انہاں آکھیا جو خانیوال ریلوے سٹیشن کوں مثالی سٹیشن بنڑیسوں،جدید ویٹنگ رومز، چار فلٹریشن پلانٹس، ریسٹ رومز تے ٹائلٹ دے نال نال بزرگ شہریاں اتے معذوراں دی پلیٹ فارم تئیں رسائی ممکن بنڑائی ویسی۔ انہاںا ٓکھیا جو ملازمین کوں ہکو جھیاں سکیل ڈتا ویسی، ریلوے پولیس کوں پنجاب پولیس دے مطابق سکیل ڈیونڑ کیتے کم تھیندا پئے،ریلوے کوں مثالی بنڑاونڑ اتے ملازمین کوں سہولتاں ڈیونڑ تے توجہ ڈتی وینید پئی اے۔ ایں موقع تے ریلوے دے اعلی افسران وی وفاقی وزیر دے استقبال کیتے موجود ہن۔
