اسلام آباد ۔ 6 فروری (اے پی پی) وزیراعظم عمران خان آکھیا جو بلوچستان دی عوام دی ترقی خصوصی طور نینگراں کوں ہنر مند بنڑاونڑ حکومت دی پہلی ترجیح اے،سی پیک دی تعمیر اتے گوادر اچ ترقیاتی عمل نال بلوچستان دی عوام سانگے سماجی تے معاشی ترقی دے بہوں موقع ملسن۔انہاں اے گالھ بلوچستان عوامی پارٹی دے ارکان قومی اسمبلی نال گالھ مہاڑ کریندیں ہوئیں آکھی جنہاں بدھ کوں وزیراعظم نال ملاقات کیتی۔ملاقات اچ وزیر برائے دفاعی پیداوار زبیدہ جلال، ایم این ایز سردار محمد اسرار ترین، خالد حسین مگسی، احسان اللہ ریکی اتے روبینہ عرفان شامل ہن۔معاون خصوصی نعیم الحق، ترجمان ندیم افضل گوندل، ملک عامر ڈوگر اتے ارشد دادوی ایں موقع تے موجود ہن ۔ملاقات اچ بلوچستان دی عوام کوں پانڑی دی گھٹکی سمیت مختلف مسئلیاں تے گالھ مہاڑ کیتی گئی ۔
