بھارتی بے وقوفی علاقائی امن کیتے خطرہ تھی سگدی اے ، وفاقی وزیر پٹرولیم ڈویژن غلام سرور خان

اسلام آباد ۔ 20 فروری (اے پی پی) وفاقی وزیر پٹرولیم ڈویژن غلام سرور خان آکھیے جو بھارتی بے وقوفی علاقائی امن کیتے خطرہ تھی سگدی اے ،نواں پاکستان بھارت دے اعصاب تے سوار اے ،دنیا دی کوئی طاقت پاکستان دی ترقی دے رستے اچ آونڑ دی جرات نئی کر سگدی ،انہاں آکھیا پلوامہ حملے اچ پاکستان کوں ملوث کرنڑدا ڈرامہ بھارت دی ریاستی نااہلی تے پردہ پوشی دی گھٹیا کوشش اے ۔انہاں اپنڑے جاری بیان اچ آکھیے جو پاکستان ہک پرامن ملک اے تے اساں پاکستان سمیت پورے خطرے اچ امن قائم کرنڑ کیتے بہوں ساریاں قربانیاں ڈتن جیں کوں دنیا من گھدے،دہشت گردی دے خلاف جنگ اچ پاکستان دی مسلح فوج تے سول سوسائٹی بھرپور کردار ادا کیتا تاںجو اے پورے خطرے کوں اپنڑی وکیڑ اچ نہ گھن سگے ۔ غلام سرور خان آکھیا جو تاریخ گواہ اے جو پاکستان ہمیشہ ہمسائے ملکاں دی سالمیت اتے خود مختاری دا احترام کیتے ۔