اسلام آباد ۔ 20 فروری (اے پی پی) وزیر اطلاعات ونشریات چوہدری فواد حسین آکھیے جوبھارت جارحیت دی کوشش کیتی تاں اساں وی ونگاں نئیں پاتیاں ہویاں،ٹھوک تے جواب ڈیسوں، 20 کروڑ عوام پاک فوج دے نال کھڑن، کلبوشن یادیو بارے پاکستان دا مقدمہ بہوں مضبوط اے،مودی کارکردگی دی بنیاد تے الیکشن لڑن، پاکستان مخالف مہم نہ چلاون، بھارتی انسانی حقوق دیاں خلاف ورزیاں جگ کوں ڈسیسوں،نیب کہیں وی کارروائی تے حکومت توں نئیں پچھدا، سپیکر سندھ اسمبلی دی گرفتاری دا حکومت نال کوئی لہنڑا ڈیونڑاں نئیں، احتساب کوں سیاست نال جوڑن کوئی چنگی گالھ کائنی۔اے گالھ وفاقی وزیر اطلاعات و نشریات چوہدری فواد حسین اسلام آباد اچ پارلیمنٹ ہاﺅس دے باہرومیڈیانال گالھ مہاڑکریندے آکھی۔انہاںا ٓکھیا جو کلبوشن دا اوریجنل بھارتی پاسپورٹ،ریٹائرمنٹ اتے تنخواہ بارے ناقابل تردیدشواہداتے ایران دی بجائے چاہ بہار توں گرفتاری ساڈے کیس کوں مضبوط کریندے، ایں بارے دنیا بھارت داموقف نئیں منیندی پئی۔انہاں آکھیا جو مودی عوام کیتے کیتا کجھ نئیں تہوں ہنڑ کارکردگی دی بجائے پاکستان دشمنی کوں انتخابات اچ ڈھال بنڑیندے پین،بھارت کوں پتا ہوونڑا چاہیدے جو اساں کوئی ونگاں نئیں پاتیاں ہوئیاں، بھارت جارحیت کیتی تاں او سبق ڈیسوں جو اوندیاں نسلاں یاد رکھیسن، بھارت کشمیر اچ انسانی حقوق دیان خلاف ورزیاں بند کرے اتے کشمیری مسلماناں تے زمین تنگ نہ کرے ایندے نال خطے اچ کشیدگی ودھسی، وزیر اعظم عمران خان دے امن دی پیش کش ٹھکرا تے خطے دا امن داءتے لاونڑ دی کوشش کیتی ویندی پئی اے، پورا جگ پاک فوج دی دلیری منیندے، جیکر مذاکرات نہ تھئے تاں ول اساں بھارت کوں اوندی زبان اچ وی جواب دیونڑ کوںتیار ہیں،بھارت دا پر تشدد بیانیہ ناکام تھیندا پئے۔اسپیکر سندھ اسمبلی آغا سراج درانی دی گرفتاری بارے انہاں آکھیا جو ایندا حکومت نال کوئی تعلق کائنی ، ساڈا تاںا ٓپنڑا سینئر وزیر علیم خان جیل اچ اے، حکومت قانون دی عمل داری دی حمایت کریندی اے۔
