اسلام آباد ۔ 17 فروری (اے پی پی) سیکرٹری خارجہ تہمینہ جنجوعہ پلوامہ واقعے توں بعد سارے الزامات پاکستان دے سر تھپنڑکون بھارت دی گندی عادت قرار ڈیندے آکھیے جو بھارت دے کوڑے الزامات اتے جارحانہ بیانات علاقائی امن کیتے بہوں وڈا خطرہ ہین،خطے اچ کشیدگی کوں ہواڈیونڑ نال فیدے دی بجائے نقصان تھیسی، بغیر تحقیق اتے ثبوت اینجھے واقعات دے بعد پاکستان تے الزام تراشی بھارت دی گندی عادت بنڑ گئی اے۔اے گالھ سیکرٹری خارجہ تہمینہ جنجوعہ اسلام آباد اچ افریقی ممالک اتے شنگھائی تعاون تنظیم دے رکن لکاں دے سفیراں کوں بریفنگ اچ آکھی۔ انہاں پلوامہ حملے دے بعد بغیرکہیں تحقیقات دے بھارتی الزامات کوں مسترد کرڈتا اتے آکھیا جو اینجھے الزامات افسوسناک اتے خطے دے امن کوں خراب کرنڑ دی سازش ہین،بھارت دے اے ہنڑ عادت بنڑ گئی جو او اپنڑا گریبان ڈیکھنڑ دی بجائے سارا الزام پاکستان تے سٹ ڈیندے بھل ہنڑ جگ سارے حقائق جانڑ چکیے۔انہاں سفیراں کوں ڈسایا جو بھارت حملے دیاں تحقیقات وی نئیں کیتاں اتے سارا الزام پاکستان تے تھپ ڈتے، اینجھے بھارتی بے بنیاد الزامات اتے جارحانہ بیانات خطے اچ امن کیتے بہوں وڈا خطرہ ہین۔
