بھارت کہیں وی مہم جوئی دا خیال دلوں کڈھ ڈیوے،پوری پاکستانی قوم،قیادت ،سیاسی جماعتاں تے مسلح فوج ہک مٹھ اے وزیرخارجہ شاہ محمود قریشی

اسلام آباد ۔ 24 فروری (اے پی پی)وزیرخارجہ شاہ محمودقریشی بھارت کوں ہک واری ول امن دا پیغام ڈیندے ہوئیں بھارتی حکومت تے قیادت تے زور ڈتے جو او ضبط تے تحمل دا مظاہرہ کریندے ہوئیں اپنڑے جنگی جنون تے جارحانہ طرز عل ترک کرے ، پاکستان امن پسند ملک اے،اساں امن چاہندوں بھارت دیاں تڑیاں تے جارحانہ رویے توں ہرگز وی کائناں ڈرسوں ، پاکستان دیاں ساریاں سیاسی جماعتاں سارے ادارے اتے پاکستان دا ہک ہک بال اپنڑے ملک دی حفاظت کیتے ہک مٹھ اے ۔اے گال انہاں اتوار کوں میڈیا نال گال مہاڑ کریندے ہوئیں آکھی ۔ وزیرخارجہ بھارت کوں کہیں وی مہم جوئی دا خیال دلوں کڈھنڑ دی چتاونڑیں ڈیندے ہوئیں آکھیے جو پوری پاکستانی قوم ، قیادت، سیاسی جماعتاں تے مسلح فوج ہک مٹھ اے ۔وزیرخارجہ کشمیری عوام دے جائز حق خودارادیت کیتے پاکستان دی پوری حمایت دا عادہ وی کیتا ۔