تعلیمی ادارے تحقیق دے ذریعے پبلک پالیسی دی تیاری سانگے کردار ادا کرن،صدرمملکت ڈاکٹر عارف علوی

APP14-06 ISLAMABAD: February 06 - President Dr. Arif Alvi talking to Rector Prof. Dr. Masoom Yasinzai and President Dr. Ahmad Yausif A. Al-Draiweesh of Islamic International University, who called on him. APP

اسلام آباد ۔ 6 فروری (اے پی پی) صدر مملکت ڈاکٹر عارف علوی آکھیے جو معاشی تے معاشرتی ترقی دا انحصار تعلیم دے شعبے اچ ترقی تے ہوندے ، تعلیمی ادارے تحقیق دے ذریعے پبلک پالیسی دی تیاری سانگے اپنڑاں کردار ادا کرن۔ انہاں اے گال بدھ کوں انٹرنیشنل اسلامک یونیورسٹی دے ریکٹر ڈاکٹر معصوم یاسین زئی اتے صدر احمد یوسف درویش نال گال بات کریندے ہوئیں آکھی، جنہاں صدر مملکت نال ملاقات کیتی۔ صدر مملکت آکھیا جوبین الاقوامی اسلامی یونیورسٹی تعلیمی شعبے اچ قابل تحسین کردار ادا کر یندی پئی ہے، یونیورسٹی دی رینکنگ اچ بہتری لاتی ونجے تاں جو بین الاقوامی اداریاں اتے طلباءدی توجہ ایں پاسے ڈیوائی ونجے۔ صدر مملکت یونیورسٹی دے جدہ کیمپس دی تجویز دی وی تعریف کیتی ۔ صدر مملکت یونیورسٹی کوں اپنڑیں معاونت دا یقین ڈیوایا۔ صدر مملکت ریکٹر اتے پریذیڈنٹ بین الاقوامی اسلامی یونیورسٹی دیاں تعلیم دے شعبے اچ خدمات دی تعریف کیتی ۔

متعلقہ مضامینمصنف کی طرف سے مزید