اسلام آباد ۔ 21 فروری (اے پی پی) وفاقی وزیر منصوبہ بندی، ترقی و اصلاحات مخدوم خسرو بختیار آکھیے جو جنوبی پنجاب دے عوام دیاں محرومیاں دے ازالے کیتے تحریک انصاف اہم اقدامات کریندی پئی اے‘ جنوبی پنجاب دے عوام کوں بئے ملک دے شہریاں دے برابر سہولتاں دی فراہمی کیتے وڈے پیکیج دا اعلان کیتا ویسی ۔خمیس کوں پارلیمنٹ ہاﺅس اچ ”اے پی پی“نال گال مہاڑ کریندے ہوئیں انہاں آکھیا جو تحریک انصاف دی حکومت کوں جنوبی پنجاب دے عوام بھرپور مینڈیٹ نال اپنڑے حق کیتے پارلیمنٹ اچ بھجوائے ، اساں جنوبی پنجاب دے عوام کوں مایوس کائناں کریسوں۔ انہاں آکھیاوزیر اعظم عمران خان دے ویژن تے عمل کریندے ہوئیں جنوبی پنجاب دے عوام دیاں محرومیاں داازالہ کریسوں ، تعلیم، صحت اتے روزگار دے خصوصی منصوبے شروع کیتے ویسن ۔انہاں آکھیا حکومت وختی جنوبی پنجاب دے عوام کیتے وڈے منصوبیں دا اعلان کریسی ۔
