ملتان ۔16فروری(اے پی پی)ملتان دے صوبائی حلقہ پی پی 218اچ پاکستان تحریک انصاف دے رکن صوبائی اسمبلی مظہرعباس راں دی وفات توں بعد الیکشن کمیشن آف پاکستان حلقے اچ ضمنی الیکشن دا شیڈول جاری کر ڈتے۔شیڈول دے مطابق کاغذات نامزدگی 21فروری توں 23فروری تئیں جمع کرائے ویسن۔سکروٹنی دا عمل یکم مارچ تئیں راہسی جڈاں جو کاغذات مستردیامنظورتھیونڑ دے خلاف اپیلاں 5مارچ کوںدائر تھی سگسن۔ امیدواراں دی فہرست 6مارچ کوں لائی ویسی،امیدوارکاغذات 11مارچ کوں ولا گھن سگسن اتے 12مارچ کوں انتخابی نشال الاٹ کیتے ویسن۔ پولنگ 31مارچ کوں تھیسی ۔ ڈسٹرکٹ ریٹرننگ آفیسر شاہد اقبال ریجنل الیکشن کمشنر ملتان ہوسن۔عاطف رحیم ڈسٹرکٹ الیکشن کمشنرملتان ریٹرننگ آفیسر ہوسن اتے اسسٹنٹ کمشنر اتے ڈسٹرکٹ ایجوکیشن آفیسر سیکنڈری ملتان کوں دتے گین۔
