اسلام آباد ۔ 4 فروری (اے پی پی) وزیر اعظم دے مشیر برائے تجارت عبد الرزاق داﺅدآکھیے جو پاکستان تحریک انصاف دی حکومت ملکی برآمدات کوں ودھاونڑ کیتے اہم اتے ٹھوس اقدامات کریندی پئی اے۔ ہک نجی ٹی وی نال الویندے ہوئیں انہاں آکھیا جو حکومت ملکی برآمداتی مصنوعات دے ودھارے کیتے موثر اقدامات دے نال نال ایں سال دے 27 بلین ڈالردے برآمدی ہدف سانگے کوششاں کریندی پئی اے،گزریل سال دسمبر اچ ملکی برآمدات اچ 5 فیصد داودھارا ریکارڈکیتا گئے، اگو تے وی ملکی برآمدات دا حجم بیا ودھاونڑ کیتے کوشش جاری رکھی ویسی۔ انہاں آکھیے جو حکومت ملک دے مالی معاملات کون منظم کریندی پئی اے،قومی معیشت دے ودھارے کیتے تجارتی اتے برآمداتی سرگرمیاں کوں ودھاونڑ کیتے کم تھیندا پئے، ایں سانگے چین، جاپان، انڈونیشیا اتے بئے ملکاں نال تعاون کریندے پئے ہیں۔
