اسلام آباد ۔ 4 فروری (اے پی پی) وفاقی وزیر برائے منصوبہ بندی مخدوم خسرو بختیار آکھیے جو موجودہ حکومت ملکی ترقی و خوشحالی کیتے اہم اتے ٹھو س اقدامات کریندی پئی اے۔ہک نجی ٹی وی چینل نال الویندے ہوئے انہاں آکھیا جو گزریل حکومتاں دیاں ناکام اتے غیر موثر پالیسیاں ملک دے انتظامی ڈھانچے کوں برباد کرڈتے اتے حکومت ایکوں بحال کرنڑ کیتے اہم اقدامات کریندی پئی اے۔ وفاقی وزیرآکھیا جو حکومت زرعی و صنعتی تعاون سودھے سماجی و اقتصادی ترقی بارے چین نال مختلف معاہدے کریندی پئی اے،ملک توں غربت مکاونڑ کیتے ودھ کوششاں جاری رکھیاں ویسن۔
