اسلام آباد ۔ 13 فروری (اے پی پی) موجودہ حکومت ملک اچ نینگراں دی صلاحیت کوں استعمال کرنڑ سانگے انفارمیشن ٹیکنالوجی اتے انٹرپرینیور شپ تے خصوصی توجہ ڈیندی پی ہے۔ وزارت منصوبہ بندی، ترقی تے اصلاحات دے حکام مطابق حکومت نینگراں دی صلاحیت ودھانڑ سانگے آئی ٹی دے شعبہ دے فروغ سانگے اقدامات کریندی پی ہے۔ انہاں آکھیے جو پاکستان اچ انفارمیشن ٹیکنالوجی دا شعبہ تکھے ترقی کریندا پئے اتے پاکستان ایں شعبہ اچ کہیں بئے ملک توں پیچھی تے کائنی ہے۔انہاں آکھیے جو پاکستان اچ چوتھے صنعتی انقلاب دے تناظر اچ انفارمیشن ٹیکنالوجی دے شعبہ د امستقبل وڈاروشن ہے۔ پاکستان دے نینگر جدید دور اچ کوششاں کر تے ملک کوں اگی تے گھن ونجنڑ دی صلاحیت رکھیندن ۔
