اسلام آباد ۔03 فروری(اے پی پی)وزیراعظم دے معاون خصوصی امور نوجواناں عثمان ڈار آکھیے جو موجودہ حکومت ملک اچ نینگراں کوں بااختیار بنڑاونڑ کیتے نویں پالیسی تے کم شروع کر ڈتے ۔اتوار کوں اے پی پی نال گال مہاڑ کریندے ہوئیں انہاں آکھیا جو نینگراں کوں با اختیار بنڑاونڑ دے حوالے نال صوبیں دی سانجھ نال کوششاں کیتیاں ویندیاں پن صوبیں دے تعاون نال یوتھ ڈویلپمنٹ پروگرام دے تحت حکومتی اقدامات دے نتیجے اچ ودھ توں ودھ نینگراں فائدہ چا سگسن ۔انہاں آکھیا نینگراں کوں معاشی طور تے بااختیار بنڑاونڑ کیتے نیشنل یوتھ امپارومنٹ کارڈ جاری کیتا ویسی ۔
