حکومت نیک نیتی نال اصلاحات دا ایجنڈاگھن آئی اے،اساڈی حکومت دا مشن اے بیورو کریسی کوں سیاسی مداخلت توں بچایا ونجے ، وزیراعظم عمران خان

اسلام آباد ۔ 8 فروری (اے پی پی) وزیراعظم عمران خان احتساب اتے میرٹ کوں نظام اچ بہتری گھن آونڑ دے بنیادی اصول قرار ڈیندے ہوئیں آکھیے جو حکومت نیک نیتی نال اصلاحات دا ایجنڈا تے گھن تے آئی اے عوامی فلاح بہود دی خاطر نظام اچ مزید بہتری گھن آونڑ چاہندی اے ، حکومت دا مشن اے جو بیورکریسی کوں سیاسی مداخلت توں بچایا ونجے تے ہر تقرری میرٹ دی بنیاد تے کیتی ونجے ۔انہاں اے گال جمعے کوں سول سروس ریفارمز ٹاسک فورس دے اجلاس دی صدارت کریندے ہوئیں آکھی ۔ وزیراعظم اجلاس اچ گال مہاڑ کریندے ہوئیں آکھیا جو 60ءاتے 70ءدی دہائی اچ پاکستان دی سول سروس ایں خطے دی ساریں تو بہترین سروس ہئی تے خطے دے بئے ملکاں توں اساں توں سکھنڑ آندے ہن ، بدقسمتی نال سیاسی مداخلت نال سول سروس دا زوال شروع تھیا ۔ انہاں آکھیا اساڈی حکومت نیک نیتی نال ریفارمز دا ایجنڈا گھن تے آئی اے تے عوامی فلاح بہبود دی خاطر نظام اچ بہتری گھن آونڑ چاہندی اے ، احتساب اتے میرٹ ہی نظام اچ بہتری گھن آونڑ دے اصول ہن۔ وزیراعظم ۔انہاں آکھیا جو خیبرپختونخوا اچ ہماری حکومت سروس دی انتظامی ڈھانچے اچ تبدیلیاں گھن آئی اے جیں دی وجہ توں گورننس اچ بہتری آئی۔ انہاں آکھیا جو سول سرونٹس کوں بے جا تنگ کرنڑ نال کم رک ویندے ، پوسٹ تے مدت ملازمت کوں تحفظ ڈتا ویسی تاں جو ڈیلیوری اچ تسلسل قائم رہ ونجے۔ وزیراعظم آکھیا جو سرکار دے زیر انتظام کمپنیاں اتے اداریں دے بورڈز اچ چنگی شہرت اتے اہل لوکاں کوں شامل کیتا ویندا پئے تاں جو عوام کوں بہتر سپولتاں تے سروسز ڈتی ونج سگے ۔انہاں آکھیا تعلیم تے صحت دے شعبے دی زیادہ اہمیت رکھیندن ، وسائل دے ضیان کوں روکنڑاں ہوسی۔ انہاں آکھیا جو سپیشلائزیشن دا دور اے، ہر شعبے اچ ماہر لوک ہی کم کرسگدن، دنیا دے ترقی یافتہ ملکاں اچ ہک گال سانجھی اے او ماہر لوکاں دی میرٹ تے بھرتی اے ۔وزیراعظم آکھیا جو لوکل گورنمنٹ دا ایجھا ماڈل گھن آندے پیوں جیں اچ مقامی نمائندے عوامی فلاح و بہود اچ بھرپور کردار ادا کریسن ۔ انہاں آکھیا جو سیاستداناں دی ٹریننگ وی ضروری اے تاں جو سول سروس کوں سیاسی مداخلت توں بچایا ونجے تے بیورو کریٹ بغیر کہیں ڈر دے ذمے واریاں پوریاں کرن ۔