راولپنڈی توں ملتان سانگے ”تھل ایکسپریس “ دی روانگی توں پہلے وفاقی وزیر ریلوے شیخ رشید احمد دی میڈیا نال گالھ بات

راولپنڈی ۔ 13 فروری (اے پی پی) وفاقی وزیر ریلوے شیخ رشید احمد آکھیے جو پاکستان ریلوے دی حالت بہتر کرنڑ سانگے جاری 20 مال بردار ریل گاڈیاں چلاونڑ دا ہدف ہے ،قوم نال کیتے گئے وعدے مطابق ریل گاڈیاں دا نظام چنگا کر تے ودھا ڈیسوں،40بنداں دی لائن لگی ہوئی ہے اتے اوہ سارے جیل ویسن ، ڈاکو لٹیرے ملک کوں لوٹ تے گئے ،ریلوے کوں وی انہاں بے دردی نال لوٹے ،آئی ایم ایف مجبوری ہے، میں وی وزیراعظم ہوندا تاں آئی ایم ایف کنوں ویندا ،سعودی ولی عہد دا دورہ پاکستان تریخی اہمیت دا حامل ہوسی۔انہا ں خیالیں دا اظہار وفاقی وزیر ریلوے شیخ رشید احمد بدھ دی صبح راولپنڈی ریلوے اسٹیشن تے ملتان سانگے ”تھل ایکسپریس “دی روانگی توں پہلے میڈیا نال گالھ بات کریندے ہوئیں کیتے ۔انہاں آکھیے جوتھل ایکسپریس ملتان توں کراچی تئیں وی ویسی ،ا یہ ریل گاڈی مزدوراں بنڑائی ہے اتے انہاں دا شکریہ ادا کرینداں۔ وفاقی وزیر آکھیا جو ریلوے پولیس دی تنخواہ ودھائی ویسی ،مزدوراں کوں ہک سکیل ڈیسوں،کراچی توں پشاور تئیں ڈبل ٹریک دا فیصلہ تھی ویسی اتے لئی ایکسپریس وے وی بنڑیسوں ۔انہاں آکھیے جو ریل گاڈی تساڈی اتے میں وی تساڈا ہاں ،عمران خان کوں معلوم پتہ کائنی ہا جو کیویں بے دردی نال ملک اچ لوٹ مار کیتی گی ۔انہاں آکھیے جوریلوے اچ بھرتیاں دا عمل 8توں10ڈینھ اچ پورا کیتا ویسی ۔3 ریل گاڈیاں1350روپے اچ پشاور توں کراچی گھن تے ویندیاں پن ،جنہاں اچ سیٹاں دی 160اتے 140ہے ،انہاں اچ جناح ایکسپریس امیر لوکیں سانگے جڈاں جو سرسید ایکسپریس صاحب ثروت لوکیں سانگے آندے مہینے شروع کریسوں ،عوام کو ں ریلیف ڈیونڑ دی ہر ممکن کوشش کر یندے پئے ہسے۔ وفاقی وزیر ریلوے شیخ رشید احمد تھل ایکسپریس اچ سوار وی تھئے ۔ایں موقع تے شہریاں دی وڈی تعداد ریلوے اسٹیشن تے موجود ہائی ۔ ڈویژنل سپرینٹنڈنٹ راولپنڈی ریلوے منور شاہ اے پی پی کوں ڈسایا جوتھل ایکسپریس راولپنڈی توں ملتان براستہ کندیاں ویسی ۔تھل ایکسپریس راولپنڈی ریلوے اسٹیشن توں روزانہ سویل 7وجے روانہ تھیسی اتے 11گھنٹے اچ ملتان پجسی ۔تھل ایکسپریس 9 اسٹیشناں بشمول راولپنڈی ، ترنول ، جنڈ ، میانوالی ،کندیاں ،بھکر ،لیہ ،کوٹ ادو ، مظفر گڑھ توں تھیندی ہوئی ملتان پجسی ۔ ”تھل ایکسپریس “ داراولپنڈی توں ملتان تئیں دااے سی دا کرایہ 1280روپے ،اکانومی کلاس دا کرایہ 670 روپے رکھیا گئے ۔ تھل ایکسپریس اچ مجموعی سیٹاں دی تعداد 712ہے جڈاں جوایندے اچ 7 اکانومی کوچز ، ہک ایئرکنڈیشنڈ ،ہک کارگو اتے ہک پاور پلانٹ کوچ سمیت10 کوچز شامل ہن ۔