اگر پاکستان اتے بھارت راضی تھیون تاں روس تصفئیے سانگے ڈوہیں ملکاں اچ مذاکرات دی میزبانی سانگے تیار اے،روسی وزیر خارجہ سرگئی لاوروف دی ماسکو اچاخبار نویساں نال گالھ مہاڑ
اسلام آباد ۔ 28 فروری (اے پی پی) روس پاکستان اتے بھارت اچ مذاکرات دی میزبانی دی تجویز پیش کر ڈتی اے۔روس دی سرکاری خبر رساں ادارے دے مطابق روس دے وزیر خارجہ سرگئی لاوروف خمیس کوں ماسکو اچ اخبار نویساں نال گالھ مہاڑ کریندیں ہوئیں آکھیا جو اگر پاکستان اتے بھارت راضی تھیون تاں روس تصفئیے سانگے ڈوہیں ملکاں اچ مذاکرات دی میزبانی سانگے تیار اے۔ایں توں پہلے پاک بھارت کشیدگی اچ ودھارے تے تشویش کریندیں ہوئیں ڈوہیں ملکاں کوں صبر کرنڑ تے زور ڈتا۔
