اسلام آباد ۔ 17 فروری (اے پی پی)سعودی عرب دے ولی عہد محمد بن سلمان پاکستان دے ڈو ڈینہہ دے دورے تے اسلام آباد پج گین۔ نور خان ایئربیس تے طیارہ لہنڑ تے سعودی ولی عہد دا استقبال وزیراعظم عمران خان، آرمی چیف جنرل قمر جاوید باجوہ اتے وفاقی کابینہ دے ارکان کیتے۔ وزیر اعظم معززمہمان دا تعارف استقبال کتیے آئے پاکستانی حکام نال کرائے۔ روایتی قومی لباس پاتے ہوئے چھوٹے بالاںسعودی ولی عہد کوں پھلا ں داگلدستہ پیش کیتے۔ایں موقعے تے معززمہمان کوں گاڈ آف آنر اتے اکوی توپاں دی سلامی ڈتی گئی۔ ایں توں پہلے پاکستانی فضائی ھدود اچ وڑن تے سعودی ولی عہد دا شاندارفضائی استقبال کتیا گئے، پاک فضائیہ دے جے اید سیونٹین تھینڈر جہازاں سعودی ولی عہد دے طیارے کوں اپنڑی حفاظت اچ گھن گھدے اتے نال نال آندے ہوئیں نور خان ایئر بیس تئیں پچائے۔ سعودی مہماناں دی مہمان نوازی کیتے وفاقی وزیر منصوبہ بندی کوں وزیر مہمانداری مقررکیتا گئے۔
