اسلام آباد ۔ 11 فروری (اے پی پی)وفاقی وزیر پٹرولیم و قدرتی وسائل غلام سرور خان آکھیے جو شفاف احتسابی عمل مستحکم پاکستان دی ضمانت اے، قومی خزانہ لٹنڑ آلیاں قوم کوں محرومیاں توں علاوہ بیا کجھ نئیں ڈتا،عوام تیکھے ملک اچ ترقی اتے خوشحالی دا نواںد ور ڈیکھسن۔ اے گالھ انہاں دورہ سندھ ویلھے میرپورخاص اچ عوامی اجتماع نال خطاب کریندے آکھی۔انہاں آکھیے جو ملک کون تباہی توں بچاونڑ کیتے بدعنوان عناصر دے خلاف سخت اتے شفاف احتساب بہوں ضروری اے، ملکی دولت لٹنڑآلیاں کوں معافی ناں ملسی۔ انہاں آکھیے جو سندھ دی حالت ثبوت اے جو پیپلزپارٹی صوبے کوں محروم رکھیے اتے عوام تے پیسہ لاونڑ دی بجائے کرپشن اچ اڈائے، سندھ دے وسائل لٹ مار دا شکار تھی گین بھل وزیراعظم عمران خان سندھ دے لوکاں دا درد سمجھدن اتے اتھاں لوکاں کوں ودھ سوکھ ڈیونڑ کیتے مختلف ترقیاتی منصوبے شروع کیتے ویندے پین، سندھ دی ترقی کیتے تیکھے ہک وڈے ”اپ لفٹ پیکیج“دا اعلان کیتا ویسی، سندھ دے نینگراں کوں روزگار ڈیسوں۔انہاں آکھیے جو وزیراعظم ملک لٹنڑ آلیاں دا احتساب کونڑ دا وعدہ پورا کریندے پین،لٹیا گیا پیسہ ولا اُگار تے عوام تے لایا ویسی، اگو تے مسلم لیگ ن اتے پیپلزپارٹی دی عوام اچ کوئی جاہ کائنی جیں ملک کوں ڈوہیں ہتھیں نال لٹیے۔
