صوبیں دے اند تفریق مکاونڑ کیتے ضروری اے جو لوکل گورنمنٹ سسٹم کوں مستحکم کیتا ونجے ،وزیراعظم عمران خان

اسلام آباد ۔ 6 فروری (اے پی پی) وزیراعظم عمران خان آکھیے جو صوبیں دے اندر مختلف علاقیں اچ ترقیاتی کماں اچ تفریق ختم کرنڑ کیتے ضروری اے جو لوکل گورنمنٹ سسٹم کوں مستحکم کیتا ونجے تے فنانس ایوارڈ تے عمل درآمد یقینی بنڑایا ونجے ،صوبیں اچ سالڈ ویسٹ مینجمنٹ خصوصاً کچرے نال توانائی پیدا کرنڑتے توجہ کرنڑ دی اشد ضرورت اے ۔ انہاں اے گال پاکستان تحریک انصاف ہزارہ ڈویژن دے ممبران قومی اسمبلی نال گال مہاڑ کریندے ہوئیں آکھی جنہاں بدھ کوں وزیراعظم آفس اچ انہاں نال ملاقات کیتی جیں اچ وزیرِ توانائی عمر ایوب خان، پرنس نواز الائی، صالح محمد، علی خان جدون اتے عظمی ریاض شریک ہن ۔ ایں موقع تے معاون خصوصی نعیم الحق، ترجمان ندیم افضل گوندل، ملک عامر ڈوگر اتے ارشد داد وی موجود ہن ۔ ارکان قومی اسمبلی وزیراعظم کوں اپنڑے اپنڑے حلقے دے عوام کوں درپیش مسائل دا ڈسایا۔ وزیراعظم آکھیا جو خیبر پختونخوا اچ سیاحت دی بے پناہ صلاحیت موجود اے، پچھلے ترائے سال اچ صوبیں اچ غربت مکاونڑ دی وجہ سیاحت دا فروغ اے ، سیاحت دے پوٹینشل کوں مزید ودھاونڑ کیتے اقدامات کریندے پیوں جیں نال صوبیں اچ مزید خوشحالی آسی ۔ انہاں آکھیا جو سیاحت کوں ودھارا ڈیندے ہوئیں ایں گال تے خصوصی توجہ کیتی ویسی جو مقامی لوکاں کوںکاروبار دے ودھ توں ودھ موقع مل سگن ۔