اسلام آباد ۔ 4 فروری (اے پی پی) وزیر اعظم عمران خان عوامی مسلیاں دے مربوط حل اتے موثر پالیسیاں بنڑاونڑ کیتے صوبیاں اتے وفاق وچال رابطے چنگے کرنڑ دی ہدایت کریندے آکھیے جو موجودہ حکومت چھی مہینے دی مدت پوری کرتے اپنڑے دور اقتداردے آندے مرحلے اچ آ گئی اے، پی ٹی آئی دے عوام کیتے چاتے گئے اقدامات کوں اگونہا کرنڑ دی لوڑھ اے،لوکاں کوں اے وی ڈسایا ونجے جو ترقی اتے سپیڈ دے دعوے کرنڑ آلے پاکستان کوں کیویں اتے کینجھے حالات اچ سٹ گین۔ اسلام آباد اچ اعلیٰ سطح اجلاس دے دوران وفاقی وزرا توں علاوہ وزیر اعلیٰ پنجاب سردار عثمان بزدار، گورنر خیبر پختونخوا شاہ فرمان، وزیر اعلیٰ خیبر پختونخوا محمود خان، صوبائی وزراوی وموجود ہن۔وزیراعظما ٓکھیے جو پی ٹی آئی کون بہوں اوکھے ویلھے حکومت ملی اے بھل اساں معیشت دی بحالی اتے عوام دے حالات چنگے کرنڑ کیتے ڈینہہ رات کم کریندے پئے ہیں۔ اجلاس اچ وزیرا عظم کوں وزیر منصوبہ بندی ولوں مستقبل دی ترجیحات تے بریفنگ ڈتی گئی۔اجلاس اچ وفاقی حکومت ، صوبہ پنجاب اتے خیبر پختونخوا دے وزرا صحت، تعلیم ، زراعت اتے بئے شعبیاں اچ اقدامات بارے وی ڈسایا گیا۔ڈسایا گئے جو پنجاب دے اٹھ لکھ افراد کوں صحت کارڈ دڈیونڑ دا کم 20 تاریخ توں شروع تھیسی ، پہلے مرحلے اچ راجن پور ، ڈی جی خان، مظفر گڑھ اتے ملتان دی عوام کوں صحت انصاف کارڈ ڈتے ویسن اتے دسمبر2019ءتئیں پنجاب دے 36 اضلاع دے عوام کوں صحت انصاف کارڈڈیونڑ دا کم پورا کر گھدا ویسی۔
