اسلام آباد ۔ 6 فروری (اے پی پی) وزیراعظم عمران خان آکھیے جو قومی ایئر لائن دی نجکاری پی ٹی آئی دا منشور نئیں بھل ایکوں خسارے توں بچاونڑ کیتے اصلاحات کریسوں، پی آئی اے دے معاملات اتے ادارے دی چنگائی کیتے اقدامات بارے عوام کوں ڈسایا ویسی۔ اے گالھ انہاں وزیرِ برائے ایوی ایشن (ہوا بازی) محمد میاں سومرو اتے سی ای او پاکستان انٹرنیشنل ایئر لائن ایئر مارشل ارشد محمود نال الویندے آکھی جیں بدھ کوں وزیراعظم آفس اسلام آباد اچ انہاں نال ملاقات کیتی۔ایں موقع تے وزیرِ خزانہ اسد عمروی موجود ہن۔ سی ای او پی آئی اے وزیرِاعظم کوں قومی ایئر لائن دی بحالی کیتے اقدامات تے پیشرفت بارے ڈسایا اتے ادارے کوں منافع بخش بنڑاونڑ، بدعنوان عناصر توں پاک کرنڑ اتے خسارے توں کڈھنڑ کیتے اقدامات تے وی تفصیلی بریفنگ ڈتی گئی۔وزیراعظم یقین ڈیوایا جو پی آئی اے اچ اصلاحات دا مقصد قومی ایئر لائن کوں مسلسل مالی نقصانات توں بچاونڑ اتے ہک منافع بخش قومی ادارہ بنڑاونڑ اے۔سیکرٹری ایوی ایشن ڈویژن وی نویں ایوی ایشن پالیسی بارے بریفنگ ڈتی جو پی آئی اے دا جامع بزنس پلان مارچ دے آخر تئیں حکومت کوں پیش کر دتا ویسی۔
