اسلام آباد ۔ 22 فروری (اے پی پی) وفاقی وزیر خزانہ اسد عمر آکھیے جو قومی معیشت دی بحالی کیتے حکومتی اقدامات دے مثبت نتیجے ظاہر تھیندے پن تے ملک دا کرنٹ اکاﺅنٹ خسارہ (حسابات جاریہ دے خسارہ) ایں گال دی عکاسی کریندے ۔ جمعے کوں اپنڑے ٹویٹ اچ وزیر خزانہ آکھیا جو ڈیفالٹ دے نیڑے پجی ملکی معیشت دی بحالی کیتے حکومت دے فیصلہ کن اقدامات دے مثبت نتیجے سامنڑے آندے پن ۔انہاں آکھیا جنوری دے دوران حسابات جاریہ دے گھاٹے اچ گزریل سال دے ایں عرصے دے مقابلے اچ 54فیصد کمی تھئی اے جڈاں جو گزریل مالی سال دے شروع دے ست مہینے دے مقابلے اچ اجوکے سال اچ جولائی توں جنوری دے دوران کرنٹ اکاﺅنٹ خسارے اچ 1.7 ارب ڈالر کمی واقع تھئی اے ۔ اے گال قابل ذکر اے جو اجوکے مالی سال دے پہلے ست مہینے دے دوران ملک دے کرنٹ اکاﺅنٹ خسارے اچ 16.79 فیصد دی کمی ریکارڈ کیتی گئی اے جیں دی تصدیق سٹیٹ بینک آف پاکستان دی جاری کیتی گئی تازہ ترین رپورٹ اچ وی کیتی گئی اے ۔
