لاہور۔4 فروری(اے پی پی )محکمہ موسمیات (اج ) منگل کوں لاہورسودھے ملک دے بیشتر علاقیاں اچ مینہہ وسنڑ دا نواں سلسلہ شروع تھیونڑ اتے پہاڑاں تے برف باری دی پیشںگوئی کیتی اے جیندے نال ملک اچ ٹھد بئی ودھ ویسی۔بارش دا اے سلسلہ بالائی خیبرپختونخواتوں ملک اچ آسی جیندے نال پشاور، ہزارہ اتے کوہاٹ اچ بدل وسسین۔پنجاب دے مختلف علاقیاں اچ وی بدل گجسن اتے مینہہ دی جھڑی لگسی۔منگل توں خمیس تئیں لاہور، راولپنڈی، اسلام آباد، گوجرانوالہ، فیصل آباد، بہاولپور اتے ساہیوال اچ کتھائیں کتھائیں ہلکی اتے تیز بارش تھیسی۔بلوچستان دے مختلف علاقیاں کوئٹہ، ژوب، قلات اتے مکران اچ وی کنڑیاں پوسن۔ڈو ڈینہہ دے دوران مری، گلیات، سوات، کالام، مالم جبہ، کشمیر اتے گلگت بلتستان اچ ولا اسمان توں کپاپ دے ٹھڈے بُوڑے لاہسن۔ سونوار کوں سب توں گھٹ درجہ حرارت، سکردو اچ منفی 10ریکارڈ کیتا گئے۔ کالام منفی 08، استور منفی 06، مالم جبہ منفی 05، ہنزہ، منفی 04، مری منفی 03 اتے گلگت اچ منفی 01 ڈگری سینٹی گریڈ ریکارڈتھئے۔لاہور 6، فیصل آباد 6، ملتان 7، سر گودھا اچ 7 اتے مری اچ 02سینٹی ڈگری رہے۔
