راولپنڈی ۔ 28 فروری (اے پی پی)ڈائریکٹر جنرل آئی ایس پی آر میجر جنرل آصف غفورآکھیے جو پاک فوج کہیں وی بھارتی جارحیت نال نمٹنڑ کیتے لائن آف کنٹرول (ایل او سی) تے مکمل الرٹ اے،پاک فضائیہ اتے پاک بحریہ وی تیار ہین،لوک محتاط راہندے ہوئیں افواہاں تے کن نہ پاون اتے بہوں ودھ ذمہ داری نال سوشل میڈیا استعمال کرن۔انہاں آکھیے جو گذریل چوی گھنٹے اچ بھارت ولوں ایل او سی دے کوٹلی، کھوئی رٹہ، تتہ پانی سیکٹرز اچ بلااشتعال فائرنگ کیتی ویندی پئی اے جیہڑی جنگ بندی معاہدے دی کھلی خلاف ورزی اے جڈاں جو پاک فوج ولوں موثر جوابی کارروائی اچ کئی بھارتی فوجیاں دی ہلاکت اتے فوجی چوکیاں دی تباہی دیاں اطلاعواں ہین۔ڈسایا گئے جو بھارتی اشتعال انگیزی نال 4 شہری شہید اتے ڈو زخمی تھین۔انہاں عوام کوں آکھیا جو او سوشل میڈیا دیاں افواہیں کوں گھاہ نہ گھتین اتے آپ وی محتاط طریقے نال سوشل میڈیا استعمال کرن۔
