اسلام آباد ۔ 7 فروری (اے پی پی) لندن اچ پاکستانی ہائی کمشنر نفیس زکریا پاکستانی اتے برٹش پارلیمنٹیرینز دے اعزاز اچ عشائیہ ڈتا۔ عشائیے اچ وزیر خارجہ شاہ محمود قریشی خصوصی طور تے شرکت کیتی۔ صدر آزاد کشمیر سردار مسعود خان سمیت پاکستانی اتے برٹش پارلیمنٹ دے ارکاناں شرکت کیتی۔ وزیر خارجہ شاہ محمود قریشی ملائشیا ,آسٹریلیا اتے برطانیہ دے پارلیمنٹ دے ارکاناں نال گالھ بات کریندے ہوئیں آکھیے جو مسئلہ کشمیر جڈاں تئیں حل نی تھیندا جنوبی ایشیاءاچ امن قائم نی تھی سگدا ۔ عالمی برادری دا فرض ہے جو اوہ مسئلہ کشمیر حل کروانڑ سانگے اپنڑاں کردار کرے۔ وزیر خارجہ شاہ محمود قریشی کشمیر کانفرنس دے کامیاب انعقاد تے پاکستانی ہائی کمشنر نفیس زکریا دی کوششاں دی تعریف کیتی اتے مبارخباد ڈتی۔
