اسلام آباد ۔ 27 فروری (اے پی پی) وزیراعظم دے معاون خصوصی اوورسیز پاکستانی اتے انسانی وسائل ذوالفقار بخاری نال پاکستان اچ جنوبی کوریا دے سفیر کواک سنگ کیو ملاقات کیتی۔ کورین سفیر معاون خصوصی کوں کوریا دی مقامی صنعت اچ پاکستانی افرادی قوت دی منگ دے سلسلے اچ جنوبی کوریا اچ تھیونڑ آلی اجوکی پیشرفت بارے ڈسایا ۔انہاں آکھیا معاون خصوصی دے نال رل تے کم کرنڑ دے نتیجے اچ کورین حکومت پاکستانی افرادی قوت دے کوٹہ اچ 11 فیصد ودھارا کیتے۔ ایں سلسلے اچ ڈوجھا سنگ میل ملازمین پرمٹ سسٹم (ای پی ایس) اچ قابل اطمینان تبدیلی اے ۔انہاں معاون خصوصی کوں ڈسایا جو کوریائی حکومت پاکستان دی زیادہ افرادی قوت برآمد کرنڑدی ضرورت کوں تسلیم کریندیاے ۔ پاکستانی ملازمین دے کوریائی زبان تے عبور اتے کم تے گرفت قابل تعریف اے۔ کورین سفیر ذوالفقار بخاری کوں کوریا دا دورہ کرنڑ دی دعوت وی ڈتی ۔معاون خصوصی کوٹہ ودھاونڑ تے کورین سفیر دا شکریہ ادا کیتا ۔
