ملتان ۔13فروری(اے پی پی)پنجاب حکومت ملتان سمیت جنوبی پنجاب دے چارضلعیاں اچ صحت کارڈ دے اجراءدا ااعلان کر ڈتے۔صوبائی وزیرصحت یاسمین راشد ’ اج اتھاںسرکٹ ہاﺅس اچ پرہجوم پریس کانفرنس کریندیں ہوئیں صحت کارڈز دے اجراءدا اعلان کیتا۔انہاں آکھیا جو کارڈز22فروری توں جاری کیتے وسن،ڈوجھے مرحلے اچ سفید پوش بندے اتے سرکاری ملازماں کوں وی صحت دی سہولتاں ڈتی ویسن۔انہاں آکھیا جو انہاں چاریں ضلعیں اچ 8لکھ ٹبراں اچ اے کارڈ ونڈیے ویسن جئیں نال 40لکھ لوکاں کوں صحت دی مفت سہولتاں ملسن۔انہاں آکھیا جو 19دسمبر2019ءتئیں پنجاب دے سارے ضؒعیاں اچ کل 72لکھ ٹبراں اچ اے کارڈ ونڈائے ویسن۔ایں کارڈ نال ہر ٹبر ست لکھ20ہزارروپے تئیں صحت دی سہولتاں گھن سگسی۔انہاں کارڈز نال سرکاری ہسپتالاں اچ مفت علاج تھیسی۔انہاں توں انج 23پرائیویٹ ہسپتالاں اچ وی مفت علاج تھی سگسی۔
