ملک دے اکثر علاقیاں اچ کھمنڑ دے نال مینھ وسنڑ دا امکان ہے، محکمہ موسمیات

لاہور۔19 فروری(اے پی پی ) اسلام آباد اتے لہور سمیت پنجاب دے بئے شہراں گوجرانوالہ ، ملتان ، فیصل آباد ،سرگودھا ،خیبرپختونخواہ ، بلوچستان دے کوئٹہ، ژوب، مکران، قلات، سبی، نصیر آباد ڈویژن،گلگت بلتستان اتے کشمیر اچ آندے ڈو ڈینھ دوران اکثر جئیں تے کھمنڑ دے نال مینھ وسنڑ اتے پہاڑاں تے برفبا ری دا امکان ہے۔ محکمہ موسمیات مطابق گزریل ڈینھ ملک دے اکثرعلاقیاں اچ موسم ٹھڈھا تے رکھا رہونڑ دے نال نال جھڑ وی رہیا ۔ آ ندے 24 گھنٹے دوران بلوچستان کوئٹہ، ژوب، مکران، قلات، سبی، نصیر آباد ڈویژن اچ اکثر جئیں جڈاں جو سندھ، خیبرپختونخواہ، گلگت بلتستان اچ کہیں کہیں جا اتے راولپنڈی،گوجرانوالہ،سرگودھا، ملتان، ڈی جی خان ڈویژن، اسلام آباد، کشمیر اچ کجھ جئیں تے کھمنڑ دے نال مینھ وسیا اتے پہاڑاں تے برفباری دا امکان ہے۔گزریل24 گھنٹے دوران سبھ توں ودھ مینھ خیبرپختونخواہ ،مالم جبہ 21،بالاکوٹ 16، پٹن 8،کالام،کاکول4، چراٹ، دیر 3، میرکھانی 2،کشمیرگڑھی دوپٹہ 16،مظفر اسلام آباد، ملتان 7، راولپنڈی چکالالہ اچ6، شمس آباد 4، ڈی جی خان،مری 4، حافظ آباد، خانیوال، ،گوجرانوالہ 2،گجرات، بلوچستان کوئٹہ اتے بگروٹ اچ 1 ملی میٹرمینھ ریکارڈ کیتا گئے۔ جڈاں جو مالم جبہ 7، کالام، مری 2، استور اچ ہک نچ برفباری ریکارڈ کیتی گی جڈاں جو منگل آلے ڈینھ ریکارڈ کیتے گئے سبھ توں ودھ ٹھڈھا درجہ حرارت کالام منفی 14، گوپس، مالم جبہ ، بگروٹ منفی 06، اسکردو منفی 5، ہنزہ، دیر، دروش، استور منفی 3، میرکھانی، پارا چنار اچ منفی 2 ڈگری سینٹی گریڈ ریکارڈ کیتا گئے۔ محکمہ موسمیات مطابق گزریل ڈینھ لہور اچ گھٹ توں گھٹ درجہ حرارت 9 سینٹی گریڈ ،فیصل آباد 6 ، ملتان 7 ، سرگودھا اچ6 سینٹی گریڈ رہیا۔