منگل تے بدھ کوں ملک دیاں بہوں ساریاں جہیں تے مینھ وسنڑ دا امکان اے ،محکمہ موسمیات

اسلام آباد ۔ 3 فروری (اے پی پی) محکمہ موسمیات پیش گوئی کیتی اے جومنگل تے بدھ کوں خیبرپختونخوا (مالاکنڈ، ہزارہ، پشاور، مردان،کوہاٹ ڈویژن)، شمال مشرقی پنجاب (راولپنڈی،گوجرانوالہ، لاہور ڈویژن)، اسلام آباد،گلگت بلتستان اتے کشمیر اچ بہوں ساریاں جہیں تے مینھ وسنڑ دا امکان اے ۔ایں دوران مالاکنڈ ڈویڑن(سوات، چترال،کالام، مالم جبہ، اپردیر)، ہزارہ ڈویژن، مری، گلیات، گلگت بلتستان اتے کشمیر اچ پہاڑاں تے برف باری دا امکان اے ۔ منگل توں بدھ دے دوران خیبرپختونخوا اچ (بنوں، ڈی آئی خان ڈویژن)اتے پنجاب(سرگودھا، فیصل آباد، ملتان،ساہیوال،بہاولپور، ڈی جی خان ڈویژن)اچ کہیں کہیں جاہ تے مینھ وسنڑ دا امکان اے ۔محکمہ موسمیات ولوں جاری رپورٹ دے مطابق سنوار توں منگل دے دوران بلوچستان (کوئٹہ، ژوب،قلات، مکران ڈویژن) اچ کہیں کہیں جاہ تے مینھ وسسی تے پہاڑاں تے برف پوسی ۔ منگل توں بدھ تئیں اتلے سندھ (سکھر اتے لاڑکانہ ڈویژن) اچ کجھ جہیں تے ہلکاں مینھ وسنڑ دا امکان اے ۔ جنوبی پنجاب تے اتلے سنجدھ اچ رات توے سویل ویلھے کوہیڑ پوونڑ دا امکان اے۔