اسلام آباد ۔ 26 فروری (اے پی پی) نجکاری تے ہوابازی دے وفاقی وزیر محمدمیاں سومرو آکھیے جو پاکستان تحریک انصاف دی حکومت معاشرے دے سارے طبقیاں کوں سہولتاں ڈیونڑسانگے دلچسپی گھندی پی ہے، چنگیاں اقتصادی پالیسیاں دی مدد نال قومی معیشت اچ بہتری آ ندی پی ہے، عوام دے معیار زندگی اچ تبدیلی سالاں اچ نی بلکہ مہیناں اچ نظر سی ۔ وفاقی حکومت سارے ملک اچ صحت دی سہولتاں ڈیونڑ دے نال نال سندھ دے عوام کوں صحت دی سہولتاں ڈیونڑ سانگے خصوصی اقدامات کریندی پی ہے۔ نجی ٹی وی چینل نال گالھ بات کریندے ہوئیں انہاں آکھیے جو وزیر اعظم عمران خان دے وژن مطابق حکومت ڈینھ رات کم کریندی پی ہے تاں جو عوام کوں ریلیف ڈتا ونج جا سگے اتے انہاں دی زندگی اچ تبدیلیاں لاتیاں ونج جا سگن۔ انہاں آکھیے جوعوام دے معیار زندگی اچ تھیونڑ آلی تبدیلی سالاں اچ نی بلکہ مہیناں اچ ہر بندے کوں نظر سی۔ انہاں آکھیے جواقتصادی اعشاریے بہتر تھیندے پن۔ پی ٹی آئی قیادت دی اقتصادی پالیسیاں نال قومی معیشت اچ بہتری آ ندی پی ہے۔ انہاں آکھیے جوپی ٹی آئی عوام دی خدمت تے یقین رکھیندی ہے اتے ایں حوالے نال کوششاں کیتیاں ویندیاں پن ۔انہاں آکھیے جو ملک دے سارے ادارے باعزت طریقہ نال عوامی خدمت سانگے پابند ہن۔
