لاہور ۔ 3 فروری (اے پی پی) وفاقی وزیر اطلاعات و نشریات چوہدری فواد حسین لاہور اچ میڈیا نال گال مہاڑ کریندے ہوئیں آکھیے جو وزیراعظم عمران خان گیس دے ودھ بلاں دی شکایت دے معاملے دا نوٹس گھندے ہوئیں وفاقی وزیر پٹرولیم کوں وختی تحقیقات دی ہدایت کرڈتی اے ‘ 300 ایم ایم سی ایف ڈی توں گھٹ گیس استعمال کرنڑ آلے 70 فیصد صارفین کیتے ودھارا تے 10 فیصد توں ودھ ودھارا امیر لوکاں کیتے ہئی ‘ سنوار کوں صحت کارڈ دا پہلا مرحلہ شروع کیتا ویندا پئے جیں نال غریب اتے مستحق لوکاں کوں 7 توں 9 اکھ تئیں علاج مفت کروا سگسن ‘ سانحہ ساہیوال دے متاثرہ خاندان کوں مکمل انصاف فراہم کرنڑ کیتے وزیر اعظم وزیر اعلیٰ پنجاب کوں ہدایت کر ڈتی اے ،(ق) لیگ اتے پی ٹی آئی اچ کوئی اختلاف کائنی، اتحادی جماعتاں اچ کڈاہیں کڈاہیں اختلافات تھیندے رہندن ، سابق وزیر اعظم نواز شرےف دی صحت دے معاملے دا فیصلہ ڈاکٹراں کرنڑاں اے ے‘ تاں جو نواز شریف تے آصف علی زرداری دا تجسس اے ہے جو انہاں چھیکڑی وقت جیل اچ یا لندن اچ گزارنڑاں اے ۔
