نیب حالی عبدالعلیم خان کوں مجرم ڈکلئیرنئیں کیتا، انکوائری چلدی راہسی، فیاض الحسن چوہان

لاہور۔6فروری(اے پی پی )صوبائی وزیر برائے اطلاعات وثقافت فیاض الحسن چوہان آکھیے جو نیب حالی تحقیقات کےتے عبدالعلیم خان کوں گرفتار کیتے، نیب کہیں وی سرکاری ملازم یا حکومتی عہدے دار کوں گرفتار کر سگدے۔ اے گالھ انہاں سینئر وزیر عبدالعلیم خان دی گرفتاری تے الویندے آکھی۔انہاںا ٓکھیے جو نیب حالی علیم خان کوں مجرم قرار نئیں ڈتا، حالی تحقیقات جاری راہسن،کہیں کون گرفتار کرنڑ نال جرم ثابت نئیں تھی ویندا، پی ٹی آئی او جماعت نئیں جیہری آل شریف آلی کار تحقیقات اچ رکاوٹاں پیسی، علیم خان گرفتاری دے باجود نیب تے کوئی گالھ کیتی اے اتے نہ ہی گرفتاری توں ڈرین۔انہاں آکھیا جو آل شریف اتے آل زرداری جڈاںوی نیب دی پیشی تے آند، اداریاں تے الزام تراشیاں کریندن، اتے ویندے ہوئیں ایویں وکٹری دا نشان بنڑیندن جیویں کشمیر فتح کیتی ویندے ہوون۔